PAYMENT SERVICE ၏ ဝန်ဆောင်မှု သုံးစွဲသူ စည်းကမ်းသတ်မှတ်ချက်များ

အောက်ပါ စည်းကမ်းသတ်မှတ်ချက်များသည် PAYMENT SERVICE ၏ ဝန်ဆောင်မှု များအား အသုံးပြုသည့် သုံးစွဲသူလူကြီးမင်းများ သဘောတူလိုက်နာရမည့် စည်းကမ်းသတ်မှတ်ချက်များ ဖြစ်သည်။

PAYMENT SERVICE ၏ ဝန်ဆောင်မှုအား သုံးစွဲရန် Register မှတ်ပုံတင်ခြင်း ပြုလုပ်ပါက အောက်ပါ စည်းကမ်းသတ်မှတ်ချက်များကို လိုက်နာဆောင်ရွက်ရန် သဘောတူညီပြီး ဖြစ်ပါသည်။

မှတ်ပုံတင်စာရင်းသွင်းခြင်း

Starfish Account ရှိသူများ အားလုံး PAYMENT SERVICE ၏ ငွေရေးကြေးရေး ဝန်ဆောင်မှုအား အသုံးပြုနိုင်ပြီး Starfish Account မရှိသူလူကြီးမင်းများသည် REGISTER FORM အချက်အလက်များ ဖြည့်၍ မှတ်ပုံတင်စာရင်းသွင်းနိုင်သည်။ မှတ်ပုံတင်စာရင်းသွင်းခြင်း အောင်မြင်ပါက PAYMENT SERVICE ၏ ငွေရေးကြေးရေး ဝန်ဆောင်မှုအား စတင် အသုံးပြုနိုင်ပြီ ဖြစ်သည်။
မှတ်ပုံတင်ရာတွင် ဖြည့်ရသော လူကြီးမင်း ၏ ကိုယ်ရေးအချက်အလက်များသည် သက်ဆိုင်ရာ အစိုးရ အဖွဲ့အစည်းမှ သတ်မှတ်ထားသော KYC လိုအပ်ချက်အလုံးစုံ ကို တောင်းခံရခြင်းဖြစ်ပါသည်။
မှတ်ပုံတင်စာရင်းသွင်းခြင်း ပြုလုပ်ရာတွင် လျို့ဝှက်နံပါတ် Password ကိုသတ်မှတ်ခိုင်းမှာ ဖြစ်ပါတယ်။ လူကြီးမင်း Password နံပါတ် အား လုံခြုံစွာ သိမ်းဆည်းထားမှသာ လူကြီးမင်း၏ အရေးကြီးသော အချက်အလက်များ လုံခြုံမှု ရှိပါမည်။
မှတ်ပုံတင်ရာတွင် သုံးစွဲသူလူကြီးမင်း၏ လက်ရှိအသုံးပြုနေသော တရားဝင် မှတ်ပုံတင်ထားသည့် မြန်မာနိုင်ငံ မိုဘိုင်းဆင်းကဒ် ဖြင့်သာ လူကြီးမင်း၏ အကောင့်စာရင်းဖွင့်လှစ်ရမည် ဖြစ်သည်။
မှတ်ပုံတင် စာရင်းသွင်းခြင်း အောင်မြင်သည် နှင့် ဝန်ဆောင်မှုများ အသုံးပြုနိုင်ရန် အကောင့်စာရင်း ရရှိမည် ဖြစ်ပြီး သတ်မှတ်ထားသော Level ရှိ ငွေပမာဏအတိုင်း လုပ်ငန်းဆောင်ရွက်ခွင့် ရရှိမည် ဖြစ်သည်။

ဝန်ဆောင်မှုများဆိုင်ရာ စည်းကမ်းသတ်မှတ်ချက်များ

သုံးစွဲသူသည် မိမိ၏ ငွေကြေးအကောင့်အား အခြားသူ တစ်ဦးဦးထံ လွှဲပြောင်းပေးအပ်ခြင်းမပြုရ။
မိုဘိုင်း နံပါတ်တစ်ခုလျှင် Account တစ်ခုသာ ဖွင့်လှစ်အသုံးပြုခွင့်ရှိသည်။
သုံးစွဲသူ ၏ account ၏ လျှို့ဝှက် နံပါတ်အား အခြားသူ တစ်ဦးဦးသို့ ထုတ်ဖော်ပြောကြားခြင်း နှင့် လုပ်ငန်းဆောင်ရွက်ချက် ပြုလုပ်စဉ် ရရှိလာသော တစ်ခါသုံးလျှို့ဝှက်ကုဒ်နံပါတ်များကိုလည်း ထုတ်ဖော်ပြောကြားခြင်း မပြုလုပ်ရပါ။
သုံးစွဲသူ ၏ ဖုန်း (သို့) Sim Card ပျောက်ဆုံးခြင်းများ ဖြစ်ပေါ်ခဲ့ပါက သုံးစွဲသူ ၏ Account အား ပိတ်ပစ်နိင်ရန် (သို့) နံပါတ်အသစ်ဖြင့် ပြောင်းလဲ အသုံးပြုနိုင်ရန် အတွက် CUSTOMER SERVICE သို့ ချက်ချင်း အကြောင်းကြားပေးရမည်။

သုံးစွဲသူမှ မိမိအကောင့်ထဲသို့ ငွေထည့်သွင်းလိုခြင်း

သုံးစွဲသူ အကောင့်ထဲသို့ ငွေထည့်သွင်းလိုပါက PAYMENT SERVICE ၏ ဘဏ် အကောင့်ထဲ့သို့ ငွေသွင်းကာ Payslip တင်၍ ငွေထည့်သွင်းနိုင်ပါသည်။
နီးစပ်ရာ အေးဂျင့် ဆိုင်များသို့ သွားရောက်၍ ဖြစ်စေ Account ထဲသို့ ငွေထည့်သွင်းနိုင်သည်။

အကောင့်ထဲမှ ငွေအား ထုတ်ယူလိုခြင်း

သုံးစွဲသူ သည် မိမိ အကောင့်ထဲမှ ငွေ အား ထုတ်ယူလိုပါက နီးစပ်ရာ အေးဂျင့် ဆိုင်များသို့ သွားရောက်၍ PAYMENT SERVICE Account ထဲ မှ ငွေအား ထုတ်ယူနိုင်ပါသည်။

အကောင့်အချင်းချင်း ငွေလွှဲပြောင်းခြင်း

သုံးစွဲသူ တစ်ဦးမှ အခြား PAYMENT SERVICE Account သုံးစွဲသူ ထံ အချင်းချင်း ငွေလွှဲပြောင်းပေးနိုင်ပါသည်။

လုပ်ငန်းဆောင်ရွက်ချက်များ၏ အခကြေးငွေများ

လုပ်ငန်းဆောင်ရွက်ချက် တစ်ခုစီတိုင်းအတွက် PAYMENT SERVICE မှ သတ်မှတ်ထားသော နှုန်းထားများအတိုင်း အခကြေးငွေ ပေးချေရမည်။
လုပ်ငန်းဆောင်ရွက်ချက် အခကြေးငွေများသည် PAYMENT SERVICE မှ တရားဝင် သတ်မှတ်ထားသော နှုန်းထားများအတိုင်းသာ ပေးချေရမည် ဖြစ်ပြီး အခကြေးငွေများအား PAYMENT SERVICE မှ အခါအားလျော်စွာ ပြောင်းလဲ သတ်မှတ်ခွင့် ရှိသည်။

Download Our Business Apps